• अर्थ सरोकार सुदूरपश्चिम ब्युरो

धनगढी । कैलालीमा प्रहरीका लागि दुई दिने आँखा जाँच शिविर सञ्चालन भएको छ । समुदाय–प्रहरी साझेदारी कार्यक्रम अन्तर्गत विश्वव्यापी रुपमा फैलिरहेको कोभिड १९ को संक्रमणलाई मध्यनजर गर्दै सुदूरपश्चिम प्रदेश ट्राफिक प्रहरी कार्यालय अत्तरियामा शिविर सञ्चालन भएको हो । पहिलो दिन बिहिबार १०६ जना प्रहरी कर्मचारीको आँखा जाँच गरेको प्रदेश ट्राफिक कार्यालय अत्तरियाल जनाएको छ ।

स्वास्थ्य सुरक्षाका मापदण्डहरुको पूर्ण पालना गरि सुदूरपश्चिम प्रदेश ट्राफिक प्रहरी कार्यालय अत्तरिया र च्यारिटी हेल्थ फाउण्डेशन नेपालको संयुक्त आयोजना तथा धनगढी नेत्रालय आँखा अस्पतालको प्राबिधिक सहयोगमा शिविर सञ्चालन गरिएको हो । त्यस्तै उक्त शिविरलाई राष्ट्रिय बाणिज्य बैंक लिमिटेडले प्रायोजन गरेको छ ।

उक्त शिविरमा प्रदेश ट्राफिक प्रहरी कार्यालय अत्तरिया र मातहतको जिल्ला ट्राफिक प्रहरी कार्यालय कैलाली, कञ्चनपुरमा कार्यरत ट्राफिक प्रहरी र ईलाका प्रहरी कार्यालय मालाखेती अत्तरिया कैलालीमा कार्यरत प्रहरी कर्मचारीहरुको आँखा चेकजाँच गरिएको प्रदेश ट्राफिक प्रहरी कार्यालय अत्तरियाले जनाएको छ ।