NABIL AD
Share Talim AD
Civil Bank

एक करोड १२ लाखको लागतमा बाढीपहिराले बगाएको विद्युतका नहर पुनःनिर्माण

GARIMA BANK AD
बलेवा । गत वर्ष बाढीपहिराले बगाएका ढोरपाटन नगरपालिका र बडिगाड गाउँपालिकामा लघुजलविद्युत् आयोजनामध्ये अधिकांशको नहर पुनःनिर्माण सम्पन्न भएका छन् । केही निर्माणाधीन छन् । आयोजनामध्ये अधिकांशको नहर पुनःनिर्माण सम्पन्न भएका छन् । केही निर्माणाधीन छन् । जलस्रोत तथा सिँचाइ विकास डिभिजन कार्यालयले गण्डकी प्रदेश सरकारको बजेटमा ती नहर पुनःनिर्माण गरेको हो । प्रदेश सरकारले पठाएको एक करोड १२ लाखबाट डिभिजन कार्यालयले अधिकांश जलविद्युत् आयोजनाको नहर मर्मत गरेको इञ्जिनीयर शङ्कर बुढाथोकीले जानकारी दिनुभयो ।
गत वर्ष ढोरपाटन नगरपालिकास्थित भुजीखोलामा आएको बाढीले एकै खोलाका ६ वटा आयोजना बगाएको थियो । वडा नं ५, ६, ७, ८ र ९ का लघुजलविद्युत् आयोजना भुजीखोलाको बाढीपहिराले बगाएपछि अधिकांश बासिन्दा बिजुली बाल्नबाट वञ्चित थिए । डिभिजनमार्फत संरचना बनेपछि अहिले नहर सञ्चालनमा आएका छन् ।बगेकामध्ये सैखोला लघुजलविद्युत् आयोजना रु दुई लाखको लागतमा मर्मत भएको हो । वडा नं ६ को गाडीखोला लघुजलविद्युत् आयोजनाको नहर तीन लाखमा र वडा नं ७ को भुजीखोला लघुजलविद्युत् आयोजना आठ लाख ५० हजारमा मर्मत भएको हो ।
संरचना निर्माणमा बजेट खर्च भएको हो भने अन्य काम उपभोक्ताले श्रमदान गरेर बनाएका हुन् । स्थानीय पालिकाले ती आयोजना मर्मतमा लगानी गरेका थिए । ‘सबैतिरबाट बजेट परिचालन गरेर विद्युत् सञ्चालन गर्न सकियो’, ढोरपाटन नगरपालिका-५ का अध्यक्ष लक्ष्मण पुनले भन्नुभयो,’कतै अस्थायी, कतै स्थायी संचरना बनाएर बिजुली बालिएको छ ।’ बडीगाड गाउँपालिका-८ को चाँचलघाट जलविद्युत् आयोजनाका लागि ११ लाख, जैमिनी नगरपालिकाको ठेउले खोलास्थित वडा नं ८ मा दुई लाख, वडा नं ९ र ४ मा चार/चार लाख, वडा नं १ मा दुई लाख खर्चेर आयोजना मर्मत गरिएको हो ।
गलकोटको घोम्टेखोलामा सात लाख, तल्लो साउने खोलामा रु आठ लाख खर्चेर बिजुली बालिएको छ । तमानखोलामा पनि बाढीले लघुजलविद्युत् अयोजनामा क्षति पुगेको थियो । तीमध्ये तल्लो तमानखोला लघुजलविद्युत्मा १३ लाख खर्च भएको गाउँपालिकाका अध्यक्ष जोकलाल बुढाले बताउनुभयो । निसीखोलातर्फ क्षति भएकामध्ये निसीखोला दोस्रो लघुजलविद्युत् आयोजनामा सात लाख ५० हजार र तेस्रोमा आठ लाख ५० हजार र वायखोलामा रहेको नहर पाँच लाखमा मर्मत भएको हो ।
त्यस्तै जैमिनीको सुम्साघाट सिँचाइ आयोजना पनि डिभिजनले निर्माण गरेको छ । उक्त आयोजनामा ३० लाख खर्चेर नहर चलाइएको डिभिजन कार्यालयका प्रमुख सुरेन्द्र पौडेलले बताउनुभयो । डिभिजनले सिँचाइ कुलो निर्माण तर्फपनि लगानी गरेको छ । तर ती आयोजनामा भने ४० प्रतिशत मात्रै प्रगति भएको बताइएको छ । कोरोना कहर, निषेधाज्ञा र हचुवाको भरमा आएका कतिपय योजना कार्यान्वयन कठिनाइ भएकोले प्रगति गर्न नसकिएको पौडेलले बताउनुभयो । -रासस
Hamro Parto AD
MEGA

प्रतिक्रिया दिनुहोस्

सिफारिस:

Mobile Sticky Ad Test
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal