• अर्थ सरोकार सम्बाददाता 

नवलपरासी । सामाजिक सुरक्षा कोषविरुद्द नवलपरासीका विभिन्न बैंक तथा वित्तीय संस्थाहरुका कर्मचारीले पनि प्रदर्शन गरेका छन् । कोषका विभिन्न बुँदाहरुको संशोधन माग गर्दै कालो ब्यानरसहित कावासोतीमास्थित बैंक तथा वित्तीय संस्थाका कर्मचारीहरुले आन्दोलन गरेका हुन् ।

उनीहरुले कालो ब्यानरमा कोषमा अवद्धता हुन नसक्ने बुँदाहरु उल्लेख गर्दै कोषको विरोध गरेका थिए । सो विरोध कार्यक्रममा कावासोती बैंकर्स एशोसियसनका अध्यक्ष कुमार वास्तोलाले सरकारले जबरजस्ती आवद्ध गराएमा कोषमा कर्मचारीहरु असुरक्षित भएकोले विरोध गरिएको बताए ।