- अर्थ सरोकार सम्बाददाता
काठमाडौँ । एनआईसी एसिया क्यापिटलले पाँचौ म्युचुअल फण्ड संचालनको लागि नेपाल धितोपत्र बोर्डमा निवेदन दिएको छ । क्यापिटलले फेलेक्सी क्याप फण्ड नामको योजना संचालन गर्न बोर्डसंग अनुमति माग गरेको हो ।
यस योजना अन्तर्गत क्यापिटलले प्रति इकाई १० रुपैयाँ अंकित दरको १० करोड इकाई निष्काशन गर्नेछ भने यो बन्दमुखी प्रकृतिको योजना हो । १ अर्ब आकारको यो योजना अन्तर्गत संकलित अधिकांश रकम धितोपत्रको दोस्रो बजारमा सुचिकृत कम्पनीहरुमा लगानी गरिने कम्पनीले उल्लेख गरेको छ ।
बोर्डबाट अनुमति पाएपछि कम्पनीले योजना अन्तर्गतको इकाई निष्काशन गर्नेछ ।
