काठमाडौं । नबिल बैंक लिमिटेडले ३ अर्ब रुपैयाँ बराबरको ३० लाख इकाई ऋणपत्र निष्कासन गर्ने भएको छ । बैंकले साउन १० गतेदेखि प्रतिइकाई १ हजार रुपैयाँ दरमा उक्त ऋणपत्र निष्कासन गर्ने भएको हो । बैंकले वार्षिक ८% ब्याजदरमा ७ वर्ष अवधिको ‘८% नबिल बैंक डिबेन्चर २०८५’ ऋणपत्र जारी गर्न लागेको हो ।

बैंकले जारी गर्ने कुन ३० लाख इकामध्ये १२ लाख इकाई सर्वसाधारणका लागि छुट्याइएको छ भने बाँकी १८ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ । ऋणपत्र बिक्री प्रबन्धक हिमालयन क्यापिटल रहेको छ ।

लगानीकर्ताले आस्वा सदस्य सबै बैंक तथा वित्तीय संस्थाबाट र मेरो सेयरमार्फत यो ऋणपत्रमा साउन १३ गतेसम्म आवेदन दिन सक्नेछन् । सो समयमा सबै ऋणपत्र बिक्री नभएमा साउन २४ गतेसम्म खुला रहनेछ । न्यूनतम २५ कित्तादेखि अधिकतम सबै कित्ताका लागि आवेदन दिन सकिन्छ ।