• अर्थ सरोकार सम्बाददाता

काठमाडौं । बंगलादेशको आईएफआईसी बैंकले नेपाल बंगलादेश (एनबी) बैंकमा रहेको ४२ प्रतिशत सेयर बिक्री गरेर बाहिरिने भएको छ । आइएफआइसीले आफ्नो स्वामित्वमा रहेको नेपाल बंगलादेश बैंकको कुल ३ करोड ६८ लाख २७ हजार ४२६ कित्ता सेयर बिक्री गर्न लागेको हो ।

यस्तै आर्थिक वर्ष २०७७/७८ मा कुनै बोनस सेयर प्राप्त भएमा सोसमेत बिक्री गर्ने बैंकले जनाएको छ । संस्थापक सेयर बिक्री गर्नका लागि राष्ट्रिय दैनिकमा सूचना प्रकाशन गर्ने तयारी भएको छ । संस्थापक सेयर खरिद गर्न चाहने संस्थापक सेयरधनीले उक्त सूचना प्रकासन भएको मितिले ३५ दिन भित्र बैंकको केन्द्रीय कार्यालय कमदाली, काठमाडौंस्थित सेयर शाखामा आवेदन दिन सक्नेछन् ।

यसमा नेपाल बंगलादेश बैंकका विद्यमान अन्य संस्थापक सेयरधनीहरुले आवेदन दिन सक्नेछन् ।