• अर्थ सरोकार सम्बाददाता

काठमाडौं । जीवन विकास लघुवित्तको आइपीओको प्रि अलोटमेन्ट सम्पन्न भएको छ । बिक्री प्रबन्धक एनएमबि क्यापिटलले लघुवित्तको आइपीओको प्रि अलोटमेन्ट आज सम्पन्न भएको र बाँडफाँड पनि यसै साता हुने बताएको छ ।

जीवन विकासले असार ११ गतेदेखि १५ गतेसम्म कुल १९ लाख ७७ हजार ३०० कित्ता आइपीओ निष्कासन गरेको थियो । जसमा २० लाख ८४ हजार ७६२ जना लगानीकर्ताले आवेदन दिएका छन् । सर्वसााधारणबाट माग भन्दा १६.९१ गुणा बढी आवेदन परेको हो ।

यस आधारमा १ लाख ८४ हजार ८०१ जना आवेदकले १० कित्ताका दरले सेयर हात पार्नेछन् भने १९ लाख २ हजार ५ सय १९ जना आवेदकको हात खाली हुने देखिएको छ । कम्पनीले असार ११ गतेदेखि कुल १९ लाख ७७ हजार ३०० कित्ता आइपीओ निष्कासन गरेको थियो ।