- अर्थ सरोकार सम्बाददाता
काठमाडौं । सगरमाथा इन्स्योरेन्सको वार्षिक साधारणसभा असार ३० गते हुने भएको छ । सभा कम्पनीको प्रधान कार्यालय नक्सालमा बिहान ११ बजेदेखि हुने भएको हो ।
कम्पनीले सभामा ११% बोनस सेयर र कर तिर्न ०.५७८९% नगद लाभांश वितरण प्रस्ताव पेस गर्ने भएको छ । आर्थिक वर्ष २०७६/७७ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि छ । सगरमाथाले हाल कायम १ अर्ब १२ लाख २२ हजार ९०० रुपैयाँ चुक्ता पुँजीमा बोनस सेयर प्रस्ताव गरेको हो ।
सभाका लागि असार १७ गतेबाट बुक क्लोज गरिएकाले असार १६ गतेसम्म कायम सेयरधनीले प्रस्तावित लाभांश पाउन सक्नेछन् ।
