- अर्थ सरोकार सम्बाददाता
काठमाडौं । साताको कारोबारको पहिलो दिन आइतबार नेप्से ७४.७१अंकले बढेको छ । यस अवधिमा सबैभन्दा बढी कारोबार एनआइसी एसिया बैंकको भएको छ । यस कम्पनीको ३९ करोड ९६ लाख ११ हजार ५ सय ९५ बराबरको सेयर कारोबार भएको छ ।
त्यसपछि नबिल बैंक, नेपाल बैंक, निफ्रा, मन्जुश्री फाइनान्स, हिमालयन डिस्टिलरी, छिमेक लघुवित्त वित्तीय संस्था, ज्योति विकास बैंक, नेपाल पुनर्बीमा कम्पनी र कामना सेवा विकास बैंकको सर्वाधिक सेयर कारोबार भएको छ ।
नेपाल स्टक एक्सचेन्जका अनुसार आज कुल २२५ कम्पनीको ३ करोड १५ लाख ८८ हजार ८५० कित्ता सेयर खरिद बिक्री हुँदा ८ अर्ब ६ करोड १३ लाख ८२ हजार ४ सय ९६ रुपैयाँ बराबरको सेयर कारोबार भएको छ ।
