• अर्थ सरोकार सम्बाददाता 

दाङ । झन्डै डेढ लाख रकमसहित दाङको तुलसीपुरबाट पाँच जुवाडे पक्राउ परेका छन् । प्रहरीले जुवा खालबाट तुलसीपुर उपमहानगरपालिका वडा नं. १५ का ३७ वर्षीय खड्गबहादुर वली, तुलसीपुर ५ का ३७ वर्षीय शरन श्रेष्ठ, तुलसीपुर ६ का ४१ वर्षीय मिन केतन गिरी, घोराही उपमहानगरपालिका वडा नं. ७ का ४१ वर्षीय बिनोद खाती र घोराही १५ का ३१ वर्षीय छबि गिरीलाई पक्राउ गरेको हो । 

तुलसीपुर १० स्थित झग्गुप्रसाद बुढाथोकीको घरमा जुवा खेलिरहेको अवस्थामा बेलुका साढे ६ बजे उनीहरुलाई पक्राउ गरिएको हो ।