काभ्रेपलाञ्चोकको बनेपा नगरपालिका–५ स्थित गणेशस्थानचोकमा सोमबार बिहान हरियो मकै र तरकारी बेच्दै महिला ।
पोखराको विरौटामा खानेपानीको लाइन विस्तार गरिँदै । मुलुकको दोस्रोे ठूलो पोखरा खानेपानी आयोजना जाइकाको करिब रु पाँच अर्बको सहयोगमा निर्माण भइरहेको छ ।
कञ्चनपुरको भीमदत्त नगरपालिका–१२ मा निमार्णाधीन चार लेनको पक्की पुलसँगै निर्माण भएको पहुँचमार्ग । सडक निर्माण भएसँगै टिकटक, भिडियो र फोटो खिच्न आउनेको यहाँ भीड हुने गर्छ । पछिल्लो समय उक्त सडक ‘भाइरल रोड’ का नामले परिचित छ ।
गोरखा सदरमुकामस्थित माथिल्लो गोरखा दरबारबाट देखिएको तल्लो गोरखा दरबार ।
सिन्धुपाल्चोकको इन्द्रावती नदी र भोटेकोशीमा आएको बाढीका कारण जलमग्न काभ्रेपलाञ्चोकको भुम्लु गाउँपालिका– ८ पुरानो बजार र वडा नं १० स्थित दुई नदीको सङ्गमस्थल दोलालघाट दोभान ।
रुपन्देहीको शुद्धोधन गाउँपालिका– १ चम्किपुरस्थित घमाहा खोलामा आहाल रमाउँदै भैँसी । चर्को घामा लागेको बेला गर्मी छल्न भैँसी आहाल बस्छन् ।
म्याग्दीको बेनी नगरपालिका–२ स्थित ज्यामरुककोटको कन्थराज थान क्षेत्रमा पहिराले क्षति पु¥याएको सडक मर्मत गर्दै प्रतिभा युवा क्लबमा आबद्ध युवा । शुक्रबार दिनभर ८ युवाले श्रमदान गरी सडकमा मोटरसाइकल गुड्न मिल्ने बनाएका छन् ।
बर्सेनि सेती नदीको कटानमा पर्दै आएको डोटीको शिखर नगरपालिका तल्कोटपारी गाउँ । नदी नियन्त्रण नगरिँदा उक्त गाउँ जोखिममा परेको छ ।
