काठमाडौं । अब सहकारी संस्था तथा लघुवित्त संस्थाहरु पनि विद्युतिय भुक्तानी प्रणालीमा जानुपर्ने भएको छ । चालु आर्थिक वर्षको मौद्रिक नीति सार्वजनिक गर्दै गभर्नर महाप्रसाद अधिकारीले सहकारी र लघुवित्तमा पनि विद्युतिय भुक्तानीमा प्रोत्साहन गरिने बताएका हुन् ।

भुक्तानी सेवा प्रदायक तथा भुक्तानी प्रणाली संचालक संस्थाहरुको कारोबारको दायरा बढाई लघुवित्त वित्तीय संस्था र सहकारीका ग्राहक समक्षसमेत विद्युतीय भुक्तानी सेवा पु¥याउन प्रोत्साहन गरिने उनले बताए । साथै नगद कारोबारको विद्यमान सीमालाई बचत तथा ऋण सहकारी संस्थाहरुमासमेत प्रभावकारी कार्यान्वयन गर्न आवश्यक समन्वय पनि गरिनेछ ।