काठमाडौं । माछापुच्छ्रे बैंकले लाभांश घोषणा गरेको छ । बैंकले लगानीकर्ताहरुलाई गत आर्थिक वर्ष २०७७/७८ को नाफाबाट चुक्ता पूँजीको १४ प्रतिशत लाभांश वितरण गर्ने निर्णय गरेको हो ।
बैंकको असोज ६ गते बसेको सञ्चालक समितिको बैठकले १३.३० प्रतिशत बोनस सेयर र करका लागि ०.७० प्रतिशत नगद लाभांश वितरण गर्ने प्रस्ताव गरेको छ ।
प्रस्तावित लाभांश नेपाल राष्ट्र बैंकको स्वीकृति र बैंकको आगामी साधारणसभाले पारित गरेपछि सेयरधनीहरुले पाउनेछन् ।
