- अर्थ सरोकार सुदुरपश्चिम ब्युरो
धनगढी । नेपाल पूँजीबजार लगानिकर्ता संघले दशैं, तिहार तथा छठपर्वको अवसरमा शुभकामना आदानप्रदान कार्यक्रम आयोजना गरेको छ । शनिबार धनगढीमा पूँजीबजार लगानिकर्ता संघ सुदुरपश्चिम प्रदेश समितीले पूँजीबजारमा आबद्ध लगानिकर्ताहरुमाझ शुभकामना आदानप्रदान गर्नुका साथै बजारको नयाँ कार्यदिशाको विषयमा चर्चा र छलफल गरेको हो ।
कार्यक्रममा पूँजीबजार लगानिकर्ता संघ सुदुरपश्चिम प्रदेश समितीका संयोजक कुमार थापाले लगानिकर्ताहरुलाई आउँदै गरेको विजयादशमीको शुभकामना व्यक्त गरेका छन । शुभकामना दिदै उनले लगानिकर्ताहरुबिचको समन्वयकारी भुमिका हुनुपर्ने बताएका छन । उनले भने, ‘नयाँ र पुराना लगानिकर्ता एक ठाउँमा उभियंै भने बजारको यात्रा सहज हुन्छ ।’
शुभकामना आदानप्रदान कार्यक्रममा उपस्थित लगानीकर्ताहरुले एकआपसमा सेयर बजारको नयाँ कार्यदिशाको विषयमा छलफल गरेका छन् । सुदूरपश्चिम प्रदेशको अस्थायी मुकाम धनगढीमा रहेर सेयर बजार मा प्रवेश गरेका नयाँ लगानीकर्ता र पुराना लगानीकर्ताबीचमा समन्वयकारी भुमिका निर्वाह गर्दै अगाडी बढ्ने कार्यक्रमले निश्कर्ष निकालेको छ ।
