- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । यतिबेला हिन्दुहरुको दोस्रो ठुलो महान चार्ड तिहार नजिकिँदै छ । विगतकै वर्षदेखी चाडपर्वका बेला व्यापारीहरु सक्रिय हुने र उपभोक्ता ठगिने प्रवृति चल्दै आएको छ । यसैबीच कैलालीमा तिहारलाई लक्षित गर्दै बजार अनुगमनलाई तीव्रता दिएको छ ।
अहिले जिल्लाका विभिन्न ठाउँका मिष्ठान तथा किराना पसलहरुमा अनुगमन टोलि देखिन्छन् । जिल्ला प्रशासन कार्यालय, स्थानिय तह तथा खाद्य तथा गुण नियन्त्रण कार्यालयको संयुक्त टोलि बजार अनुगमनमा सक्रिय बनेको छ ।
गौरीगङ्गा नगरपालिकाका बजार निरिक्षक लक्ष्मणराज जोशीले सोमबार मात्रै मसुरियाका विभिन्न पसलहरुमा अनुगमन गरेको बताए । ‘मिष्ठान, किराना तथा सुनचाँदी पसलमा अनुगमन गरेका छौँ’, उनले भने, ‘म्याद गुज्रेका अखाध्य वस्तु, नापतौलमा अशुद्धता भेटिएका पसलहरुलाई नियम अनुसार कारबाही तथा जरिवाना समेत गरेका छौँ ।’
बाँकी फोटो फिचरमा हेर्नुहोस्:
