• सुदर्शन श्रेष्ठ/अर्थ सरोकार सुदूरपश्चिम ब्युरो

धनगढी । सोमबार धनगढीमा राँके जुलुस गरिएको छ । कार्तिक ३० गते नेत्र विक्रम चन्द विप्लवले गरेको नेपाल बन्दको पुर्वसन्ध्यामा राँके जुलुस निकालिएको हो ।

दिनप्रतिदिन भईरहेको पेट्रोलियम पदार्थको मुल्यवृद्धिको विरोध गर्दै विप्लवले साँकेतिक रुपमा नेपाल बन्दको घोषणा गरेको जिल्ला सचिव दिपेन्द्र चलाउनेले बताए । ‘पेट्रोलियम पदार्थमा भएको मुल्यवृद्धीको भार नेपाली जनताले थेग्न सक्दैनन्’, उनले भने, ‘देउवा सरकारले नेपाली जनताको आहारा खोसेको छ ।’

त्यस्तै नेपाल आयल निगमले नागरिकलाई मर्कापर्ने गरी मुल्यवृद्धी गरेको भन्दै नेपाल बन्दमार्फत सांकेतिक चेतावनि दिएको चलाउनेले जानकारी दिएका छन् ।