- अर्थ सरोकार सुदूरपश्चिम ब्युरो
धनगढीमा पहिलो पटक साकारको लाईभ ईभेन्ट आयोजना हुने भएको छ । कैलाली भन्सार कार्यालयको नजिकै रहेको किङ्गस ढावामा पुस १० गते चर्चित र्यापर लिल बुद्ध साकारको उपस्थितिमा लाईभ ईभेन्ट आयोजना गर्न थालिएको ढावाका सञ्चालक रिवाज शाहले बताएका छन् ।
९ गते ढावाको उद्धघाटन गरेसँगै दोस्रो दिन क्रिस्मस डे को अवसरमा लाईभ ईभेन्ट हुने शाहले बताएका छन् । ‘यो लाईभ ईभेन्ट नव युवा पुस्ताका लागि प्रेरणाको स्रोत बन्न सक्छ’, उनले भने, ‘साकारको नेपाल टुरको दौरानमा धनगढीमा ईभेन्ट यहाँ आयोजना गरिएको हो ।’ त्यस्तै काठमान्डौमा झण्डै ४ वर्षको पल्पासा क्याफेको अनुभव बोकेका शाहले सिमावर्ति क्षेत्रमा नागरिकको सुविधालाई मुख्य ध्यानमा राखेको बताएका छन् ।
डेढ करोडको लगानीमा सञ्चालनमा ल्याईएको किङ्गस ढावामा नेपाली खानाका विभिन्न परिकार पाईनेछन् । सिमावर्ति क्षेत्रमा भारतिय पर्यटकको सहजतालाई मध्यनजर गर्दै पारिवारिक माहोलमा ढावा सञ्चालन गरेको शाहको भनाई रहेको छ । त्यस्तै लाईभ कन्सर्ट वा ईभेन्ट सञ्चालनका लागिपनि विशेष व्यवस्था रहेको उनले बताएका छन् ।
