काठमाडौं । मितेरी डेभलपमेन्ट बैंकको १३.३०% बोनस सेयर सम्बन्धित सेयरधनीको डिम्याट खातामा जम्मा भएको छ । बैंकले गत पुस १४ गतेसम्म सेयर डिम्याट गराएकाहरुको बोनस सेयर खातामा पठाइदिएको हो । पुस १४ पछि डिम्याट गर्नेहरुको बोनस पनि खातामै जम्मा गर्ने तयारी भइरहेको छ ।

यद्यपी अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस जम्मा गरिने बैंकको भनाई छ । बैंकको पुस २८ गते सम्पन्न सभाले गत आर्थिक वर्षको नाफाबाट १३.३०% बोनस सेयर कर प्रयोजनार्थ ०.७०% नगद लाभांश वितरण गर्ने प्रस्ताव पारित गरेको थियो ।