काठमाडौं । प्रुडेन्सियल क्यापटिल म्यानेजमेन्ट कम्पनीको स्वामित्वमा रहेको संस्थापक सेयरमा आवेदन दिने आज शुक्रबार अन्तिम दिन रहेको छ । कम्पनीको स्वामित्वमा रहेको ४ कम्पनीको २ लाख २१ हजार कित्ता संस्थापक सेयरमा आज कार्यालय समयसम्म आवेदन दिन पाइने भएको हो ।

प्रुडेन्सियलले गत शुक्रबारदेखी नेशनल लाइफ इन्स्योरेन्सको १ लाख, नेपाल लाइफ इन्स्योरेन्सको ५० हजार, आइसीएफसी फाइनान्सको ४८ हजार र नेपाल ग्रामीण विकास लघुवित्तको २३ हजार कित्ता सेयर लिलामीमा ल्याएको थियो ।

लगानीकर्ताले नेशनल लाइफको सेयरमा न्यूनतम ३९० रुपैयाँ, नेपाल लाइफको सेयरमा ९०० रुपैयाँ, आइसीएफसीको सेयरमा १९५ रुपैयाँ र नेपाल ग्रामीणको सेयरमा ३७५ रुपैयाँ न्यूनतम रुपैयाँ भाउ राखेर आवेदन दिन सक्नेछन् । यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् ।

सबै कम्पनीको सेयरमा न्यूनतम २ हजार कित्ता वा अधिकतम सम्पूर्ण कित्ताका लागि पनि आवेदन दिन सकिनेछ । लिलामीको बोलपत्र बिक्री प्रबन्धक एनआइसी एसिया क्यापिटल, बबरमहल काठमाडौंमा बुझाउन सकिनेछ ।