काठमाडौं । नेशनल माइक्रोफाइनान्सले सेयरधनीको खातामा ५ प्रतिशत नगद लाभांश जम्मा गर्न थालेको छ । कम्पनीले डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो । नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न कम्पनीले भनेको छ ।

अपडेट गरेपछि मात्र लाभांश पाइने भएको छ । नेशनलको गत माघ ६ गते सम्पन्न साधारण सभाले आर्थिक वर्ष २०७७/७८ को नाफाबाट ४० प्रतिशत बोनस सेयर र कर प्रयोजनसहित ५ प्रतिशत नगद लाभांश वितरण गर्ने प्रस्ताव पारित गरेको थियो । सोही नगद सेयरधनीको खातामा पठाइएको हो ।