- अर्थ सरोकार सुदुरपश्चिम ब्यूरो
कैलाली । कैलालीमा ‘चेक बाउन्स’ मुद्धामा प्रहरीले वडा अध्यक्षलाई अदालतमा उपस्थित गराएको छ । बुधबार प्रहरीमा आएको अदालतको पत्र अनुसार धनगढी उप–महानगरपालिकाका–१२ का वडाध्यक्ष शेरबहादुर महरालाई अदालतमा पेस गरिएको जिल्ला प्रहरी कार्यालय कैलालीले जनाएको छ ।
‘अदालतमा परेको चेक अनादारको मुद्धामा शेर बहादुर महरालाई उपस्थित गराउन भनि हामीलाई जिल्ला अदालतबाट पत्र आएको थियो। सोही पत्रका आधारमा बुधबार महरालाई नियन्त्रणमा लिएर अदालतमा उपस्थित गराएका हौँ’- जिल्ला प्रहरी कार्यालय कैलालीका प्रहरी निरिक्षक खगेन्द्र साउँदले अर्थ सरोकारलाई भने ।
अध्यक्ष महरा विरुद्ध कृष्ण कुमार रानाले जिल्ला अदालतमा मुद्धा दायर गरेका थिए ।
