काठमाडौं । कर्जा सूचना केन्द्रले न्यूज डेभलपमेन्ट बचत तथा ऋण सहकारी संस्थालाई कालो सूचिमा राखेको छ । कर्जा तिर्ने नसकेपछि काठमाडौंको अनामनगरमा रहेको उक्त सहकारी संस्थालाई विभागले कालो सूचिमा राखेको हो । बैंक तथा वित्तीय संस्थाबाट ऋण लिएकाहरूले समयमै कर्जा फर्छ्यौट गर्न नसक्ने व्यक्ति तथा संस्थाहरूलाई कर्जा सूचना केन्द्रले कालोसूचीमा राख्ने गर्दछ ।

कर्जा सूचना केन्द्रले यस संस्थालाई २०७९ असार १६ गतेदेखि कालो सूचिमा राखेको हो । संस्थाले राष्ट्रिय सहकारी बैंकबाट लिएको कर्जा नतिरेपछि कालो सूचिमा परेको हो । राष्ट्रिय सहकारी बैंकको सिफारिसमा संस्था कालोसूचिमा परेको हो । सहकारी संस्था संग सम्बन्धीत व्यक्तीहरु कुलमान तामाङ, माछा बाबु प्रजापति, सूर्य श्रेष्ठ रहेका छन् ।