‘अस्ताउँदै गरेको रातो सुर्य, शान्त वातावरण र चम्किला बत्तिका प्रकाशले चन्द्रागिरीको सुन्दरतालाई अझ रमणीय बनाएको छ । साउन ४ गते बेलुकी आएको थिएँ, आज परिवारलाई नै ल्याएको छु ।’ चन्द्रागिरी हिल्समा भेटिएका सुजन पौडेलले अर्थ सरोकारसँग भने, ‘बेलुकी भीड पनि कम हुँदोरहेछ । मौसम पनि चीसो । सार्है रमाइलो अनुभूति भईरहेको छ ।’

‘एनिभर्सरी इभिनिङ अफर’ सुरु भएसँगै साँझको समयमा पनि चन्द्रागिरीमा दिनप्रतिदिन चहलपहल बढेको छ । कम्पनीले बेलुका ५ बजेपछि केबलकारको टिकटमा ५० प्रतिशत छुट दिने भएपछि साँझमा पनि चन्द्रागिरीबाट सुन्दर उपत्यका नियाल्नेहरुको चहलपहल बढेको हो । असोज ९ गते (सेप्टेम्बर २५) सम्म सन्ध्याकालीन अफरमा नागरिकले ३९९ रुपैयाँमा दुईतर्फी टिकट पाउनेछन् । कम्पनीले यो अफर लागु गरेसँगै अहिले साँझको समयमा चन्द्रागिरीको सौन्दर्यतमा भुल्नेहरुको संख्या बढेको छ । बाँकी फोटो फिचरमा हेर्नुहोस्ः