काठमाडौं । थापाथलीको सुकुम्बासी बस्ती हटाउन काठमाडौं महागरपालिकाले गृह मन्त्रालयसँग सहयोग मागेको छ । बुधबार गृह मन्त्राललाई एक पत्र लेख्दै महानगरले थापाथलीस्थित बागमती नदी किनारमा रहेका अनाधिकृत संरचना हटाउने कार्यमा सहयोग गर्न आग्रह गरेको हो ।

‘बागमती नदी किनारमा अव्यवस्थित÷अनाधिकृत रुपमा रहेका संरचना हटाई सो क्षेत्रको संरक्षण एवं सौन्दर्यकरण गर्ने कार्यमा सहयोग एवम् समन्वयका लागि अनुरोध छ’- महानगरले पठाएको पत्रमा उल्लेख गरिएको छ ।

बागमती सध्यता एकीकृत विकास परियोजनाबाट समेत अनुरोध प्राप्त गरी बस्ती हटाउन पहल गरेको भए पनि असफल भएको बताउँदै थप पहलका लागि महानगरले गृहसँग सहयोग मागेको हो ।

यसअघि थापाथलीस्थित बागमती नदी किनारमा अनाधिकृत रुपमा बसेको बस्ती हटाउन महानगरले पहल गरे पनि बस्तीको अवरोधका कारण महानगर असफल भएको थियो । सो बेला सुकुम्बासी र महानगर प्रहरीबीच झडपसमेत भएको थियो ।