काठमाडौं । नेपाल राष्ट्र बैंकका गभर्नर महाप्रसाद अधिकारीले नेपालमा आर्थिक संकट देखिएको बताएका छन् । विश्वभर परेको आर्थिक मन्दीको प्रभाव सन् २०२३ मा नेपालमा पनि देखिएको बताउँदै उनले यहि कारण निर्माण क्षेत्रमा सुस्तता देखिएको बताएका छन् ।
राजधानीमा आयोजित बैंक तथा वित्तीय संस्था परिसंघ नेपाल (सिबिफिन) को तेस्रो साधारणसभामा राष्ट्र बैंकका गभर्नर अधिकारीले यस्तो बताएका हुन् । आर्थिक मन्दीकै कारण महँगी नियन्त्रणमा पनि चुनौती देखिएको उनको भनाई छ । ‘आर्थिक मन्दीकै कारण महँगी नियन्त्रण पनि चुनौतीपूर्ण अवस्थामा पुगेको छ,’ गभर्नर अधिकारीले भने ।
कार्यक्रममा बोल्दै उनले संसार नै मन्दीको वातावरणमा गएकाले नेपालमा त्यसको बाछिटा पर्नु स्वभाविकै रहेको बताए ।
