काठमाडौं । नेपाल स्टक एक्सचेन्ज (नेप्से)ले विजय लघुवित्तको सेयर कारोबार रोक्का गरेको छ । लाभांश घोषणा सम्बन्धी सूचना समयमा नदिएको भन्दै नेप्सेले लघुवित्तको सेयर कारोबार रोक्का गरेको हो ।
लघुवित्तको माघ १० गते बसेको सञ्चालक समितिको बैठकले हाल कायम चुक्ता पूँजीको २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश दिने प्रस्ताव गरेको थियो । तर, लाभांश प्रस्तावको सो सूचना ढिला गरी नेप्सेमा पठाएको भन्दै कम्पनीको कारोबार रोक्का गरिएको नेप्सेले जनाएको छ ।
कम्पनीले लाभांश सम्बन्धी सो सूचना माग २६ गते मात्रै नेप्सेमा पठाएको छ । दोस्रो बजारमा प्रभाव पार्ने लाभांश प्रस्ताव सम्बन्धी सूचना समयमा नबुझाएको भन्दै कम्पनीलाई स्पष्टिकरण सोध्दै कारोबार समेत रोक्का गरिएको छ ।
नेप्से विजय लघुवित्तलाई कारोबार रोक्का गरेको तीन दिनभित्र स्पष्टीकरण बुझाउन निर्देशन दिएको छ ।
