काठमाडौं । मेरो माइक्रोफाइनान्सबाट पीडित बनेका नवीन शाहले लघुवित्तमा ऋणीलाई टर्चर दिन सीईओले नै आदेश दिने गरेको आरोप लगाएका छन् । अर्थ सरोकार डटकमको कार्यक्रम ‘बिज एण्ड ब्रेन’मा आफ्ना पीडा पोख्दै शाहले यस्तो बताएका हुन् ।
शाहका अनुसार किस्ता नतिर्ने ऋणीलाई हदैसम्मको टर्चर दिन लघुवित्तका कर्मचारीलाई सीईआले नै आदेश दिने गर्छन् । ‘कर्मचारी आफैले ऋणीलाई टर्चर दिँदैनन्, टर्चर दिन सीईओले नै आदेश दिएका हुन्छन् ।’, शाहले भने, ‘जसरी हुन्छ, जे गरेर हुन्छ किस्ता उठाउ भनेर निर्देशन दिएपछि कर्मचारीले के गर्ने ? दबाब दिनुपरेन ? यसरी लघुवित्तका कर्मचारीले सीईओकै आदेशमा ऋणीलाई टर्चर दिने हुन् ।’
त्यस्तै, शाहले आफू लघुवित्तको कर्मचारी भए पनि ऋणीमाथि लघुवित्तले गर्ने ज्यादति थामिनसक्नुको हुने बताएका छन् । ‘अहिले ऋणीहरु सडकमा त्यत्तिकै उत्रिएका हैनन् । लघुवित्तको हर्कत नै त्यस्तै हुन्छ अनि के गर्छन् ?’ शाहले भने, ‘तलका कर्मचारीले गर्ने सब माथिल्लो कर्मचारीको निर्देशनमा हो, कुरो बिग्रिएपछि फेरी दोष तलकै कर्मचारीलाई लगाउँछन् सीईओहरु ।’
यसो त ऋणीलाई मात्र होइन लघुवित्तले आफ्ना कर्मचारीलाई गर्ने व्यवहार पनि तुच्छ हुनेगरेको शाहको आरोप छ । ‘बिदा माग्दा मानसिक सन्तुलन गुमाएको भनेर मेराविरुद्ध प्रहरीमा पत्र काटेको घटना त सामान्य हो । कर्मचारीलाई लघुवित्तका सीईओले दिने टर्चर त कति छन् कति’, उनले भने, ‘यतिसम्म कि लघुवित्तमा कार्म गर्ने महिला गर्भवति भइन् भने उनलाई कामबाटै निकालिन्छ ।’
शाहसँग गरिएको कुराकानीको बाँकी अंश भिडियोमाः
