काठमाडौं । विश्व अर्थतन्त्रलाई शिथिल बनाएको रुस-युक्रेनबीचको युद्धको एक वर्ष बढी भयो तर युद्ध चलिरहेकै छ । अझ पछिल्ला केही दिन यता रुसले युक्रेनमाथि हवाई हमला झनै बढाएको छ ।
लगातारको युद्धकै कारण युक्रेनले क्षतिको ठूलो भार सहनुपरेको छ भने रुसले पनि संकटको सामना गरिनै रहेको छ । जनजीवन प्रभावित बनेको छ, आर्थिक मन्दी व्यापक छ, भौतिक संरचना तहसनहस भएका छन् भने ठूलो संख्यामा मानवीय क्षतिसमेत भएको छ । तर पनि युद्ध विरामको कुनै संकेत देखिँदैन ।
यसो त केही दिनअघिमात्रै युक्रेनका राष्ट्रपति जेलेन्स्कीले युरोपेली संघमा आबद्ध देश तथा आफ्ना सहयोगीहरुलाई थप हतियार उपलब्ध गराउने अनुरोध गरेका थिए । उता रुस भने पूर्ण तयारीका साथ युद्धको सामाना गर्न जुटिरहेको छ । विश्व अर्थतन्त्रलाई नै गम्भीर संकटमा पुर्याएको यी दुई देशबीचको युद्ध बिराम कहिले हुने हो ? यो प्रश्न भने यतिबेला सबैको चिन्ताको विषय बनेको छ ।
यसैबीच हामीले विभिन्न एजेन्सीको सहयोगमा रुस-युक्रेन युद्धको प्रभाव र अवस्थालाई तस्विरमा कैद गर्ने प्रयास गरेका छौँ । बाँकी फोटो फिचरमा हेर्नुहोस्ः
