काठमाडौँ । चलचित्र ‘छक्का पञ्जा-४’ले सहकारीसँग सम्बन्धित विवादित संवाद ‘म्युट’ गरेको छ । सहकारी महासंघले चलचित्र बिकास बोर्डमा चलचित्रमा राखिएको सो सम्बादप्रति आपत्ति जनाउँदै उजुरी गरेपछि उक्त संवाद ‘म्युट’ गरिएको हो ।

महासंघले अघिल्लो हप्ता नै चलचित्र विकास बोर्डमा उक्त संवाद हटाउन आग्रह गर्दै निवेदन दिएको थियो । दुई हप्तामा १५ करोड रुपैयाँ ग्रस कलेक्सन गरिसकेको सो चलचित्रमा सो सम्बाद थुप्रैले हेरिसकेका छन् । केहि समय अगाडी सहकारीकर्मीहरुले खुलेरै सो डायलगको विरोध गरेका थिए । सो डायलग नहटाए फिल्म नै उतार्नुपर्नेसम्मको स्थिति आएपछि निर्माण पक्ष सो सम्बाद म्युट गर्न तयार भएको हो।

चलचित्र ‘छक्का पञ्जा-४’ दीपकराज गिरी, केदार घिमिरे, बुद्दि तामाङ, दीपाश्री निरौलालगायत कलाकार मुख्य भूमिकामा छन् ।