">
काठमाडौँ । सहकारीबारे विवादित डायलग हटाउन माग गर्दै राष्ट्रिय सहकारी महासंघले चलचित्र बिकास बोर्डमा निवेदन दर्ता गराएको छ । सहकारी महासंघका अध्यक्ष मिनराज कंडेलले हस्ताक्षर गरेको पत्रमा सो चलचित्रमा सहकारीसम्बन्धि लाञ्छनायुक्त एवं नारी अस्मितामा खलल पुग्ने संवाद रहेकोमा गम्भीर ध्यानाकर्षण भएको उल्लेख छ भने सो संवादको घोर भर्त्सना गर्दै भ्रम सिर्जना हुने उक्त संवाद तत्काल हटाउन मागसमेत गरेको छ ।
यस्तो छ सम्बाद :
‘छक्कापञ्जा ४’मा राजा पात्रले बोल्ने एउटा संवाद छ
– श्रीमती भनेको बैंकको लोन हो । मेन्टेन गरेन भने घरबार लिलाम हुन्छ ।
महिला पात्र भन्छिन् – अनि म के नि ?
राजाको जवाफ हुन्छ – सहकारी । भाग्न पनिसक्छ ।
यो संवाद टिकटकमा समेत भाईरल भएपछि फिल्म विवादमा तानिएको थियो । केहि दिन यता यहि संवादलाई लिएर सहकारीकर्मी समेत रहेका मधुसूदन पाठक ‘सिते बा’ले पनि आपत्ति जनाएका छन् ।
