काठमाडौं । नेपाल धितोपत्र बोर्डले थप १३ नयाँ ब्रोकर कम्पनीलाई एलओआई (आशयपत्र) दिने निर्णय गरेको छ । बोर्डको सञ्चालक समितिको बैठकले बुधबार थप १३ नयाँ ब्रोकर कम्पनीलाई आशयपत्र प्रदान गर्ने निर्णय गरेको हो । बोर्डबाट एलओआई पाउने नयाँ कम्पनीमध्ये २ वटा वित्तीय संस्था र ११ वटा व्यक्तिगत रहेका छन् ।

योसँगै धितोपत्र बोर्डबाट नयाँ ब्रोकर लाइसेन्सका लागि एलओआई पाउने कम्पनीको संख्या २९ पुगेको छ । यसअघि बोर्डले १६ वटा कम्पनीलाई एलओआई दिइसकेको छ । लाइसेन्सका लागि आवेदन दिएका ४५ मध्ये २९ कम्पनीले एलओआई पाइसकेका छन् भने बाँकी कम्पनीलाई पनि मापदण्डका आधारमा छिट्टै एलओआई दिने बार्डको तयारी रहेको छ ।

नयाँ ब्रोकर लाइसेन्सको प्रक्रिया बोर्डले ‘फास्ट ट्रयाक’मा अघि बढाएपछि लगानीकर्ता पनि थप उत्साहित बनेका छन् । बोर्डको यो काम पूँजी बजार सुधारका लागि कोसे ढुँगा साबित हुने धेरैको भनाई छ ।

ब्रोकरसँगै बोर्डले नयाँ स्टक एक्सचेन्ज र कमोडिटी एक्सचेन्सको प्रक्रिया पनि अघि बढाइसकेको छ । यी हुन् आशयपत्र पाउने थप १३ नयाँ ब्रोकर कम्पनीः