काठमाडौं । नेपाल एयरलाइन्सको ट्विनअटर जहाज दुर्घटनाबाट जोगिएको छ । बिहीबार काठमाडौँबाट भोजपुरका लागि उडेको नेपाल एयरलाइन्सको ट्विनअटर जहाजमा समस्या देखिएपछि काठमाडौँ फिर्ता ल्याइएको हो ।
त्रिभुवन अन्तराष्ट्रिय विमानस्थलबाट भोजपुरका लागि उडेको नेपाल एयरलाइन्सको ‘नाइन एन एबीटी’ कल साइन रहेको ट्विनअटरमा केही समस्या देखिएपछि काठमाडौँ फिर्ता गरिएको नेपाल एयरलाइन्सले जनाएको छ ।
एयरलाइन्सका अनुसार ट्विनअटरको ककपिटको दाहिनेतिरको ढोकामा समस्या देखिएपछि उडेको केही समयमा जहाज फिर्ता गरिएको हो । जहाज त्रिभुवन अन्तराष्ट्रिय विमानस्थलमा सुरक्षित रुपमा अवतरण गरेको छ ।
