काठमाडौं । नयाँ स्टक एक्सचेन्जको लाइसेन्स सम्बन्धमा उच्च अदालत पाटनले नेपाल धितोपत्र बोर्डलाई लिखित जवाफ पेश गर्न आदेश दिएको छ ।
लाइसेन्स वितरणका लागि सूचना अह्वान गरिएको फैसला कानुनविपरित भएको र सूचनाको ढाँचा पनि नमिलेको भन्दै अन्तरिम आदेशमार्फत प्रक्रिया रोक्न परेको रिटमाथि सुनुवाई गर्दै उच्च अदालत पाटनले धितोपत्र बोर्ड, अर्थ मन्त्रालय, प्रधानमन्त्री कार्यालय र आवेदन दिएका तीन कम्पनीको नाममा आदेश जारी गरेको हो ।
अदालतमा नयाँ स्टक एक्सचेन्जको लाइसेन्स वितरणको प्रक्रिया रोक्न शिखर बिजनेश म्यानेजमेन्ट कम्पनीमार्फत रिट दायर गरिएको थियो । उक्त रिटमा न्यायाधीश जगदीश घिमिरेको एकल इजलासले उक्त आदेश जारी गरेको हो ।
