काठमाडौं । प्रभु इन्स्योरेन्सको सेयर कारोबार फुकुवा भएको छ । कारोबार रोक्का गर्दै नेपाल स्टक एक्सचेन्ज (नेप्से)ले सोधेको तीन दिने स्पष्टीकरणको जवाफ कम्पनीले पठाएपछि नेप्सेले कारोबार फुकुवा गरेको हो ।
धितोपत्र मूल्यमा प्रभाव पार्ने सूचना ढिलो गरी दिएको भन्दै नेप्सेले कम्पनीको सेयर कारोबार रोक्का गरेको थियो । नेप्सेले सोधको स्पष्टीकरणमा कम्पनीले हकप्रद सम्बन्धी प्रस्ताव सर्वप्रथम नेपाल बिमा प्राधिकरण समक्ष सैद्धान्तिक स्वीकृति लिनको लागि पेश गरेको र उक्त प्रस्ताव स्वीकृतिका लागि मात्र निवेदन पेश भएको र हकप्रद निष्कासनको अन्तिम अधिकार प्राधिकरणमा निहित रहेकोले स्वीकृति प्राप्त हुने वा नहुने भन्ने अन्योल हुँदा पहिला बिमा प्राधिकरणमा सो सूचना पठाएको कम्पनीको जवाफ रहेको छ ।
कम्पनीको यस्तो स्पष्टीकरणसँगै आगामी दिन गल्ती नदोहोराउन सचेत गराउँदै नेप्सेले प्रभु इन्स्योरेन्सको सेयर कारोबार फुकुवा गरेको हो ।
