">
काठमाडौं । १०० किलो सुन तस्करी प्रकरणपछि त्रिभुवन विमानस्थल भन्सार कार्यालयको नेतृत्व फेरिएको छ । मंगलबार अर्थ मन्त्रालयले भन्सार प्रमुखको जिम्मेवारीबाट अरुण पोखरेललाई हटाउँदै प्रमुखको जिम्मेवारी सहसचिव टोकराज पाण्डेलाई दिएको हो ।
तत्कालीन भन्सार प्रमुखमा पोखरेल भएकै बेला हालसम्मकै भयानक सुन तस्करी भएको भन्दै अर्थ मन्त्रालयले उनलाई जिम्मेवारीबाट हटाएको हो । विमानस्थल परिसरबाट १०० किलो सुन बरामद भएकै बैला उनी बिदामा थिए । उनी पछिल्लो २ महिनादेखि बिदा बसेका थिए ।
हाल भन्सार प्रमुखको जिम्मेवारी पाएका पाण्डे आइतबार मात्रै राष्ट्रिय किताबखानाको महानिर्देशकबाट अर्थमन्त्रालयमा सरुवा भएका थिए ।
