काठमाडौँ । यसअघि कुमारी बैंकविरुद्ध स्टे अर्डर लिन सफल भएका दुर्गा प्रसाईंले कुमारी बैंकलाई अर्को मुद्धा हालेका छन् । समयमा नै ऋणवापतको रकम नदिँदा आफुलाई करिव २६ करोड घाटा भएको भन्दै सो रकम दाबीसहित उनले अदालतमा मुद्धा हालेका हुन् ।
प्रसाईंले बैंकविरुद्ध मुद्धा हालेको पुष्टी गरे । ‘मलाई बैंकले दिनुपर्ने पैसा नै दिएन । किस्ता हालिदेउ थप पैसा दिन्छु भने र किस्ता हालिदिएँ तर पैसा दिएनन् । यसकारण मलाई २६ करोड घाटा भएको छ ।’ अर्थ सरोकारसँग कुराकानी गर्दै प्रसाईंले भने- ‘त्यसपछि म अदालत गएको छु । अव जे गर्छ अदालतले गर्छ ।’ आफुले पाउनुपर्ने पैसा नपाएपछि अव पूरानो ऋणको किस्ता नतिर्ने अडानसमेत प्रसाईंको छ । ‘अदालतले नै मेरो सम्पत्ति सकार प्रक्रिया अगाडी नबढाउनु भनेको छ । अव बैंकले मलाई दिनुपर्ने रकम नदिएसम्म किस्ता हाल्दिन । निहुँ खोज्यो भने अदालत जान्छु । अहिले २६ करोडको क्षतिपूर्ति दाबी गरेको छु । २०३३ सम्म खासमा मैले ब्याज नै तिर्नु नपर्नेगरी फेसिलिटी एग्रीमेन्ट भएको छ । अव त्यहि अनुसार हुन्छ ।’
