काठमाडौं । काठमाडौंका दुई सहकारी खारेज भएका छन् । काठमाडौं महानगरपालिकाले संकटग्रस्त भएका मातहतका दुई सहकारीलाई खारेज गरेको हो ।

महानगरले गत साउन १६ गते गरेको निर्णय अनुसार काठमाडौं महानगरपालिका ५ स्थित ज्येष्ठ नागरिक स्वास्थ्य सेवा सहकारी संस्था लिमिटेड र चाहविलस्थित सुकस बचत तथा ऋृण सहकारी संस्था लिमिटेडलाई खारेज गरिएको महानगरको सहकारी विभागले जनाएको छ ।

महानगरले यसअघि दुवै सहकारीबाट कर्जा लिएर तिर्न बाँकी रहेका वा बचत नलिएका सदस्यहरुलाई सम्पर्कमा आउनका लागि १५ दिने सूचना जारी गरेको थियो । सोही सूचनाका अधारमा महानगरले दुवै सहकारीलाई खारेज गरेको हो ।