">
काठमाडौं । नेपाल राष्ट्र बैंकले ‘गभर्नर महाप्रसाद अधिकारीको निधन’ भन्दै हल्ला फैलाउनेविरुद्ध उजुरी दिने भएको छ । बिहीबार ‘नेपाल राष्ट्र बैंकका गभर्नर महाप्रसाद अधिकारीको सवारी दुर्घटनामा निधन’ भन्दै सामाजिक सञ्जालमा हल्ला फैलाउनेविरुद्ध राष्ट्र बैंकले एक्सन लिने भएको हो ।
हाल गभर्नर अधिकारी कामको शिशिलामा भारत गएका छन् । उनी भारत गएको मौका छोपी समाजिक सञ्जाल फेसबुकमा ‘शेयरबजारको मनोविज्ञानवेत्ता–बुलबहादुर’ नामको फेसबुक आईडीमा गभर्नर अधिकारीको सवारी दुर्घटनामा निधन भन्दै आफवाहपूर्ण पोष्ट सार्वजनिक गरिएको छ । हालसम्म उक्त पोष्टमा १०१ जनाले प्रतिक्रिया दिएका छन्, भने ७८ सेयर र ६३ कमेन्ट आएको छ । जहाँ अधिकांशले हार्दिक श्रद्धान्जली लेखेका छन् भने केहीले अफवाह भएको भन्दै सचेत गराएका छन् ।
तर, हालसम्म उक्त पोष्ट डिलिट भने भएको छैन । यता राष्ट्र बैंकका गभर्नर महाप्रसाद अधिकारीले आफ्नो निधनको अफवाह पूर्ण रुपमा झुठो भएको बताएका छन् । गभर्नर अधिकारीले आफ्नो निधनको अफवाह फैलाउनेविरुद्ध कानूनी उपचारमा जाने बताएका छन् ।
हाल गभर्नर अधिकारीको निधनको अफवाहपूर्ण पोष्ट सार्वजनिक गर्नेविरुद्ध थप अध्ययन गररहेको राष्ट्र बैंकको जनसम्पर्क महाशाखाले जनाएको छ ।
यता प्रहरीले पनि गभर्नरविरुद्ध अफवाह फैलाउने ‘फेक अकाउन्ट’लाई निगरानीमा राखेको र कतिपयको आईपी ट्रयाक गरिरहेको बताएको छ । यसरी अफवाह फैलाउनेहरुमध्ये कतिपय नेपालमै र कतिपय विदेशमै रहेको पाइएको प्रहरी स्रोतले बताएको छ ।
