ती संचालकका अनुसार गलत विवरण पेश गरेको भेटिएपछि प्राधिकरणले सम्बन्धित बीमा कम्पनीहरुलाई स्पष्टीकरण सोधेको थियो । तर ती कम्पनीहरुबाट चित्तबुझ्दो स्पष्टीकरण नआएपछि प्राधिकरणले कार्वाहीको तयारी गरेको हो ।  ‘फेक विवरण बुझाउने कम्पनीहरुलाई प्रचलित बीमा ऐन, २०७९ को दफा ८३ समेतको उल्लंघन गरेको भनी बीमा ऐन, २०७९ को दफा १३८ बमोजिम जरिवानाको कारबाही गरिएको छ । हुन त यो ठुलो अपराध नै हो, र पनि कानुनले झुटो विवरण पेश गर्नेलाई पहिलोपटक २ लाख रुपैयाँ जरिवाना तिराउने भनेको छ । त्यसैले कानुनबमोजिम ती बीमा कम्पनीहरुलाई २ लाखका दरले जरिवाना तिराउने तयारी भएको हो ।

ती संचालकका अनुसार जीवन बीमातर्फ सुर्य ज्योति लाइफ इन्स्योरेन्स,प्रभु महालक्ष्मी लाइफ इन्स्योरेन्स, रिलायबल लाइफ नेपाल लाइफ इन्स्योरेन्स, सानिमा रिलायन्सलाइफ इन्स्योरेन्स, प्रभु महालक्ष्मी लाइफ इन्स्योरेन्स, आइएमई लाइफ इन्स्योरेन्स लगायतका छन् भने निर्जिवन बीमा कम्पनीहरुमध्ये हिमालयन एभरेष्ट इन्स्योरेन्स, सगरमाथा लुम्बिनी इन्स्योरेन्स, युनाइटेड अजोड इन्स्योरेन्स, आईजीआई प्रुडेन्सियल, लगायत छन् । यसरी फेक विवरण बुझाउनेहरुमध्ये सरकारी स्वामित्वको राष्ट्रिय बीमा कम्पनीसमेत रहेको पाइएको छ ।