×

Live on

रेडियो अर्थ सरोकार

Listen to live radio.

laxmi sunrise bank

सिभिल सहकारी समस्याग्रस्त घोषणा, केहि दिनपछि शिवशिखरको पालो !

काठमाडौं । सिभिल सेभिङ एण्ड क्रेडिट सहकारी संस्था समस्याग्रस्त घोषणा भएको छ । बागमति प्रदेशको संस्कृति, पर्यटन तथा सहकारी मन्त्रालयले सिभिल सहकारीलाई समस्याग्रस्त घोषणा गरेको हो ।

सिभिल सहकारी प्रदेश सरकार अन्तर्गत रहेकोले उक्त सहकारीलाई प्रदेश मातहतबाटै समस्याग्रस्त घोषणा गरिएको भूमी, व्यवस्था तथा सहकारी मन्त्रालयले जनाएको छ । यद्यपी सहकारीलाई समस्याग्रस्त घोषणा गर्नका लागि केही कानुनी अड्चन भएकोले सिभिल सहकारीलाई समस्याग्रस्त घोषणा गरिएको फाइल केन्द्रमा पठाउने तयारी गरिएको छ ।

यसो त सहकारी नेटवर्क खडा गरी बचतकर्ताको अरबौं रकम ठगी गरेको आरोपमा सिभिल सहकारीका पूर्व अध्यक्ष इच्छाराज तामाङ र उनकी श्रीमती सिर्जना शाख्यसहितका सञ्चालक हाल जेलमा छन् । उनीहरुविरुद्ध सहकारीका १ हजार ४ सय ९९ बचतकर्ताले ५ अर्ब ६७ करोड ९ लाख ७६ हजार रुपैयाँ दाबीसहितको उजुरी दिएका छन् ।

यता, सिभिल सहकारीलाई समस्याग्रस्त घोषणा गरेसँगै बचतकर्ताको ठूलो रकम हिनामिना गर्ने शिव शिखर बहुउद्धेश्यीय सहकारी संस्थालाई पनि समस्याग्रस्त घोषणा गर्ने तयारी गरिएको भूमी, व्यवस्था तथा सहकारी मन्त्रालयको उच्च स्रोतले बताएको छ । ‘बागमती प्रदेश सरकारले सिभिल सहकारीलाई समस्याग्रस्त घोषणा गरिसकेको छ । समस्याग्रस्त घोषणा गरिएको फाइल केन्द्रमा पठाउने तयारी गरिएको छ ।’, स्रोतले भन्यो, ‘योसँगै अब शिव शिखर सहकारीलाई पनि समस्याग्रस्त घोषणा गर्ने तयारी गरिएको छ ।’

बचतकर्ताको अरबौं रकम हिनामिना गरेको आरोपमा अहिले शिव शिखर सहकारीका तत्कालीन अध्यक्ष केदारनाथ शर्मा र उनकी श्रीमती गिता शर्मासहितका सञ्चालक जेलमा छन् । शिव शिखर सहकारीमा बचतकर्ताको अरबौं रकम फसेपछि हाल देशभरका विभिन्न जिल्लामा प्रहरीले संस्थाविरुद्ध उजुरी दिन अपिल समेत गरेको छ ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: