काठमाडौं । काठमाडौं महानगरपालिकाले मापदण्डविपरीतका सहकारी खारेज गर्ने भएको छ । महानगरले आफ्नो कार्यक्षेत्र भित्र रहेका सहकारीहरुको अनुगमन गर्ने र मापदण्डविपरीतका सहकारी खारेज गर्ने भएको हो ।
सहकारी विभाग काठमाडौं महानगरका प्रमुख बलराम तिवारीका अनुसार महानगरभित्र १९ सय सहकारी छन् र ति मध्ये १६ सय बचत तथा ऋण सहकारी रहेका छन् । सहकारी ऐनअनुसार पाँच हजार जनसंख्यामा एक बचत तथा ऋण सहकारी हुनुपर्छ । त्यसैले महानगरको जनसंख्याअनुसार एक सय ६० बचत तथा ऋण सहकारी भए पुग्छ । ‘महानगरभित्र चाहिनेभन्दा धेरै सहकारी छन् । त्यसैले महानगरको जनसंख्याअनुसार एक सय ६० बचत तथा ऋण सहकारी भए पुग्ने अवस्था छ ।’ उनले भने ‘कडाइका साथ अनुगमन गरेर सहकारीको संख्या घटाउँछौँ । कानुनबमोजिम चलेको छैन भने खारेज गर्ने हो ।’
महानगरभित्र आवश्यकता भन्दा धेरै सहकारी रहेकाले संख्या घटाउने तयारी गरिएको त्रिपाठीले बताएका थिए । दशैं अगाडी नै कार्यक्षेत्र भित्रका सहकारीमा अनुगमन गरिने र मापदण्डविपरीतका सहकारीलाई कारवाही गरिने उनले बताएका हुन् ।
