">
काठमाडौँ । नेपाल सरकारले टिकटक ब्याण्ड गरेपछि विभिन्न कम्पनीहरुले सेवा तथा उत्पादन प्रचारप्रसारका लागि राखेका टिकटक कन्टेन्ट क्रिएटरहरु बेरोजगार बनेका छन् ।
सोमबार सरकारले टिकटक नै नेपालमा ब्याण्ड गर्ने भनी निर्णय गरेर कार्यन्वयनको चरणमा गएपछि विभिन्न कम्पनीहरुले तिहारको विदामा रहेका कन्टेन्ट क्रिएटरहरुलाई सन्देश पठाएर अर्को निर्णय नहुन्जेलसम्म अफिस नआउन भनेका छन् ।
टिकटकको बढ्दो लोकप्रियतासँगै विभिन्न कम्पनीहरुले कन्टेन्ट क्रिएटर ’हायर’ गरेका थिए । यसरी टिकटकको कन्टेन्ट बनाउनकै लागि पनि हजारौंको रोजगारी पाएका थिए । अन्ततः ती अधिकांश कन्टेन्ट क्रिएटरको जागिर गएको छ ।
यद्यपी तिहार विदा लगत्तै विभिन्न कानुन व्यवसायीहरु यस विरुद्ध रिट लिएर सर्वोच्च अदालत जाँदैछन् । अदालतले सरकारको निर्णय उल्टाएको खण्डमा भने पुनः जागिरमा आउन सक्ने आशयसमेत विभिन्न कम्पनीहरुले व्यक्त गरेका छन् ।
