काठमाडौँ । एनएमबि बैंकले ब्याजदर घटाएको छ । बैंकले मंसिर २५ गतेदेखि लागू हुनेगरि यसअघिको ब्याजदर परिमार्जन गर्दै घटाएको हो । 

बैंकले नयाँ ब्याजदर सार्वजनिक गर्दै व्यक्तिगत मुद्दती निक्षेपमा अधिकतम ९ प्रतिशत र संस्थागत मुद्दती निक्षेपमा अधिकतम ७ प्रतिशत ब्याज दिने जनाएको छ । यसअघि बैंकले व्यक्तिगत मुद्दती निक्षेपमा ९.५० प्रतिशत ब्याज दिँदै आएको थियो । 

त्यस्तै, बैंकले बचतमा न्यूनतम ४.६० प्रतिशतदेखि अधिकतम ६.६० प्रतिशतसम्म ब्याज दिने भएको छ । 

यसो त एनएमबि बैंक अघि एनआईसी एशिया बैंक र कुमारी बैंकले ब्याजदर घटाइसकेका छन् । निरन्तर बैंकहरुले ब्याजदर घटाउने क्रम जारी रहँदा अन्य बैंकहरुले पनि ब्याजदर घटाउने तयारी गरेका छन् ।