काठमाडौँ । बैंकिङ कसुरमा ७ करोड ९७ लाख बिगो भएमा प्रतिवादी पक्राउ परेका छन् । ओखलढुंगाको चम्पादेवी घर भएका ३२ वर्षीय शेर बहादुर मगरलाई प्रहरीले पक्राउ गरेको हो ।
मगरलाई ललितपुर महानगरपालिका–१५ स्थित हात्तिवनबाट पक्राउ गरिएको उपत्यका अपराध अनुसन्धान कार्यालयले जनाएको छ ।
उनीविरुद्ध बैंकिङ कसुरमा ७ करोड ९७ लाख ५० हजार रुपैयाँ बिगो कायम गरिएको छ । उनीविरुद्ध विभिन्न अदालतबाट बैंकिङ कसुर मुद्दा फैसला भए पनि जरिवाना र कैद भुक्ता हुन भने बाँकी रहेको थियो । पक्राउ परेका मगरलाई प्रहरीले भक्तपुर जिल्ला अदालतमा उपस्थित गराएको छ ।
उनी पक्राउ परेपछि पनि हिरासतमा मुस्कुराइरहने गरेको पाइएको छ । पक्राउ परेको भन्दै प्रहरीले सार्वजनिक गरेको तस्वीरमा पनि उनी मुस्कुराइरहेको देखिन्छन् ।
