">
काठमाडौँ । प्रधानमन्त्रीको स्वागतमा सार्वजनिक बिदा दिएको रामेछापको सुनापति गाउँपालिकाले बिदा फिर्ता लिएको छ । पुष १९ गते (बिहीबार) गाउँपालिकाले दिएको सार्वजनिक बिदाको चर्को विरोध भएपछि प्रधानमन्त्री पुष्पकमल दाहाल (प्रचण्ड)को ठाडो निर्देशनमा गाउँपालिकाले सार्वजनिक बिदा फिर्ता लिएको हो ।
गाउँपालिकाको नयाँ भवन उद्घाटनमा प्रधानमन्त्री आउने भएपछि गाउँपालिकाले बिहीबार सार्वजनिक बिदा दिएको थियो ।
गाउँपालिकाले १७ पुषमा सूचना नै जारेर प्रधानमन्त्री आउने भन्दै पुष १९ गते गाउँपालिकाभर सार्वजनिक बिदा दिएको जानकारी गराएको थियो । उक्त दिन गाउँपालिका अन्तर्गतका सम्पूर्ण सरकारी कार्यालय, सार्वजनिक संघसंस्था, विद्यालय र बैंक तथा वित्तीय संस्था बन्द हुने गाउँपालिकाले जनाएको थियो ।
तर, प्रधानमन्त्रीको स्वागतमा सार्वजनिक बिदा दिएको भन्दै चर्को विरोध भएपछि प्रधानमन्त्रीकै निर्देशनमा गाउँपालिकाले बिदा फिर्ता लिएको हो ।
