काठमाडौँ । बैतडीबाट ६ जना चोरलाई प्रहरीले पक्राउ गरेको छ । राती पार्टी गर्ने भन्दै कुखुरा फर्मबाट ब्रोइलर कुखुरा र मरमसला चोरी गर्ने ६ जनालाई प्रहरीले पक्राउ गरेको हो ।
उनीहरुले कुखुरा फर्मबाट दुईवटा ब्रोइलर कुखुरा, खुर्सानी, टमाटर, अदुवा, प्याज, धनिया र मसला चोरी गरेको प्रहरीले जनाएको छ । प्रहरीका अनुसार उनीहरुलाई चोरी गर्दै गरेको अवस्थामा प्रक्राउ गरिएको हो ।
हाल उनीहरुमाथि थप अनुसन्धान भइरहेको प्रहरीले जनाएको छ ।
