काठमाडौं- जाल्पा सामुदायिक लघुवित्त वित्तीय संस्थाको सञ्चालक समितिको अध्यक्षमा चार्टर्ड एकाउन्टेन्ट मनिष अर्याल नियुक्त भएका छन् । फागुन २ गते बसेको संस्थाको सञ्चालक समिति बैंठकले उनलाई अध्यक्षमा नियुक्त गरेको हो ।
अर्यालले शुक्रबार नियामक नेपाल राष्ट्र बैंकबाट सपथ लिने कार्यक्रम छ । उनी जाल्पा र किसान लघुवित्तको मर्जर कमिटिको संयोजकसमेत हुन् ।
‘पदमा रहुन्जेल सकेको राम्रो गर्छु ।’ अध्यक्षमा नियुक्त भएपछि अर्थ सरोकारसँग कुराकानी गर्दै उनले भने, ‘गर्नुपर्ने काम धेरै छन् । सकेको राम्रो गर्छु ।’
