×

Live on

रेडियो अर्थ सरोकार

Listen to live radio.

laxmi sunrise bank

नेपाल बैंकको ‘सुनकाण्ड’ संसदमा छताछुल्ल, सांसदको प्रश्न, ‘बैंकबाट सुन हरायो’, प्रचण्डको जवाफ, ‘फिर्ता भईसक्यो’

काठमाडौँ । नेपाल बैंकमा केहि समय अगाडी घटेको सुनकाण्ड संसदमा छताछुल्ल भएको छ । प्रतिनिधिसभा सदस्य कुशुमदेवी थापाले नेपाल बैंकले बैंकमा राखिएको सुन जनतालाई फिर्ता नगरेको प्रकरणबारे बोलेपछि संसदमा यो प्रकरण छताछुल्ल भएको हो ।

केहि समयअगाडी ग्राहकले नेपाल बैंकको लकरमा राखेको सुन हराएको थियो । यो प्रकरण बैंकमा सामसुम पार्न खोजेको थियो । तर, बैंकले सुन फिर्ता गर्न आनाकानी गरेपछि पीडीतहरुले जनप्रतिनिधि गुहारेका थिए । आइतबार प्रतिनिधिसभा बैठकमा प्रधानमन्त्री पुष्पकमल दाहाल (प्रचण्ड)लाई यस विषयमा प्रश्न गरेपछि यो प्रकरण छताछुल्ल भएको हो । उनले तत्कालीन समयमा नेपाल बैंकमा सुरक्षाका लागि राखिएको सुन बैंकले फिर्ता नगरेको आरोप लगाउँद त्यसको कारणसमेतको माग गरेकी थिइन् ।

जवाफमा प्रधानमन्त्री प्रचण्डले नेपाल बैंकमा राखिएको सुन फिर्ता भइरकेको र क्षतिपूर्ति दिने काम पनि भइसकेको बताएका छन् । ‘नेपाल बैंकमा राखिएको सुन फिर्ता नभएको सन्दर्भमा त्यस प्रकारको सुन फिर्ता वा क्षतिपूर्ति दिने काम भएको छ ।’, प्रधानमन्त्री प्रचण्डले भने, ‘कसैले फिर्ता पाउन बाँकी रहेको भए प्रमाणसहित बैंकमा सम्पर्क गरेमा सुन फिर्ता हुन्छ ।’

त्यस्तै, प्रधानमन्त्री प्रचण्डले उक्त प्रक्रियामा सरकारले बैंकसँग सहजीकरण गर्ने पनि प्रतिबद्धता जनाएका छन् ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: