">
काठमाडौँ । चितवनको साहारा चितवन बहुउद्धेश्यीय सहकारी संस्थाका बचतकर्तालाई उजुरी दिन आह्वान गरिएको छ । सहकारीको करिब ४० करोड रुपैयाँ हिनामिना प्रकरणबारे अनुसन्धान गरिरहेको प्रहरीले उजुरी दिन छुटेका बचतकर्तालाई उजुरी दिन आह्वान गरेको हो ।
जिल्ला प्रहरी कार्यालय चितवनका अनुसार आगामी १५ दिनभित्र सहकारीका पीडित बचतकर्ताहरुले उजुरी दिन सक्नेछन् ।
प्रहरीको प्रारम्भिक अनुसन्धानमा सहकारीको करिब ४० करोड रुपैयाँ हिनामिना भएको देखिए पनि हालसम्म २५ करोडको दाबीसहित उजुरी परेकाले थप उजुरी दिन आह्वान गरिएको प्रहरीले जनाएको छ ।
चितवनको भरतपुर महानगरपालिका–३ स्थित उक्त सहकारीको सञ्चालक जिबी राई हुन् । हाल उनी देशभरका विभिन्न सहकारीको १६ अर्ब रुपैयाँ हिनामिना गरेर फरार छन् । राईविरुद्ध इन्टरपोलले ‘डिफ्युजन नोटिस’ समेत जारी गरिसकेको छ । हाल साहारा चितवन सहकारीका पदाधिकारी तथा व्यवस्थापकविरुद्ध प्रहरीले ठगी कुसरमा अनुसन्धान गरिरहेको छ ।
