×

Live on

रेडियो अर्थ सरोकार

Listen to live radio.

संसदमा सांसद परियारको प्रश्न- ‘सहकारी ठगीमा गृहमन्त्रीविरुद्ध नै उजुरी छ, सहकारी पीडितले न्याय पाउलान् ?’

PRIME CA
GLOBAL IME BANK

संसदमा सांसद परियारको प्रश्न- ‘सहकारी ठगीमा गृहमन्त्रीविरुद्ध नै उजुरी छ, सहकारी पीडितले न्याय पाउलान् ?’

२ चैत्र २०८०, शुक्रबार

पढ्न लाग्ने समय: १ मिनेटभन्दा कम

काठमाडौँ । सांसद जीवन परियारले गृहमन्त्रीविरुद्ध नै जाहेरी परेको अवस्थामा सहकारी गठी प्रकरणमा निष्पक्ष छानबिन हुने कुरामै शंका व्यक्त गरेका छन् । प्रतिनिधिसभाको बैठकमा सहकारी पीडितहरुका विषयमा बोल्दै सांसद परियारले यस्तो बताएका हुन् । उनले देशभर सहकारीले आतंक मच्चाईरहेको अवस्थामा गृहमन्त्रीविरुद्ध नै जाहेरी पर्दा निष्पक्ष छानबिन हुने बारेमै शंका गरेका छन् ।

सांसद परियारले कास्कीमा मात्रै सूर्यदर्शन सहकारी लगायत ८ सहकारीमा ३७ हजार ७ सय जना बचतकर्ताको झण्डै २ अर्ब ८८ करोड रुपैयाँ हिनामिना भएको देखिएको बताएका छन् ।

त्यसैमाथि सूर्यदर्शन सहकारीका पीडित किशोर प्रसाद जैशीसहित २५ जनाले गृहमन्त्री र पूर्व उपराष्ट्रपतिका छोरा दिपेश पुनविरुद्ध जिल्ला प्रहरी कार्यालय कास्कीमा जाहेरी दिएको अवस्थामा प्रहरीले निष्पक्ष छानबिन गर्छ ? भन्दै सांसद परियारले प्रश्न गरेका छन् ।

‘सहकारी पीडित विर बहादुर थापाको देहान्त भयो । दाह संस्कारमा दाउरा किन्ने पैसा भएन । बिमला नेपाली, रामजानी मिया, भीमप्रसाद चपाईं, रोहित केसरी, सुश्मा केसीको अवस्था अत्यन्तै कष्ठकर छ ।’, उनले भने, ‘जिप्रका कास्कीमा परेको जाहेरीमा कसुर गर्ने व्यक्तिहरुको नामसँगै गृहमन्त्रीको नाम र पूर्व उपराष्ट्रपतिका छोरा दिपेश पुनविरुद्ध फौजदारी अभियोग छ । के उक्त जोहरी उपर प्रहरी प्रशासनले निष्पक्ष छानबिन गर्ला ?’

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: